sábado. 16.10.2021 |
El tiempo
sábado. 16.10.2021
El tiempo

Localizan escondida á veciña de Ferrol que intentou estrangular á súa filla de 10 anos

La zona de Doniños en la que habría acontecido el intento de estrangulamiento. EP
A zona de Doniños na que tería acontecido o intento de estrangulamento. EP

A muller foi atopada con vida escondida nunha zona de cantís, preto de onde foi achada a nena agredida

Efectivos do dispositivo de procura localizaron na mañá deste venres á veciña de Ferrol L.U.F.P., de 31 anos, que supostamente intentou estrangular á súa filla de dez anos. Segundo confirmaron fontes municipais, a muller foi localizada con vida escondida nunha zona de cantís na parte dereita da praia de Doniños, preto de onde foi achada a nena agredida. 

A muller foi achada minutos antes das 11.30 horas deste venres no marco do dispositivo de procura que desde o mércores rastrexaba a zona, no que participaron efectivos da Policía Nacional, Policía Local, Bombeiros de Ferrol e un helicóptero. 

A procura iniciouse tras agredir á súa filla de 10 anos, á que supostamente intentou estrangular, acción que non logrou e que motivou que a nena fóra traslada o mércores a un centro sanitario, onde recibiu as alta horas máis tarde.

O suceso aconteceu no piñeiral de Doniños, unha zona rural de Ferrol, moi próxima ao areal do mesmo nome. A nena foi atendida nun primeiro momento por dúas persoas que se atopaban paseando pola zona. Foron eles quen deron a voz de alarma e encargáronse de proporcionarlle os primeiros auxilios.

EFECTIVOS DE BÚSQUEDA. A procura, que iniciaron en solitario axentes da Policía Nacional da Comisaría de Ferrol-Narón, contou o xoves con efectivos da Policía Local, Bombeiros de Ferrol, Protección Civil. Ademais, no operativo tamén participaron membros da Asociación Cans de Salvamento de Galicia (Casaga), así como o helicóptero Helimer 401 de Salvamento Marítimo ante a posibilidade de que esta persoas se puidese precipitar ao mar. 

A muller desaparecida residía en cálea María de Ferrol, en pleno barrio da Magdalena e adoitaba acudir con frecuencia a Doniños, xa que neste lugar teñen unha vivenda unifamiliar os pais da súa actual parella sentimental. 

Localizan escondida á veciña de Ferrol que intentou estrangular á...
Comentarios