lunes. 24.01.2022 |
El tiempo
lunes. 24.01.2022
El tiempo

Morre o condutor dun turismo ao saírse da estrada en Muxía

Un coche de la Guardia Civil. AEP
Un coche de la Guardia Civil. AEP

Por outra banda, en Ponteceso un camioneiro foi liberado tras envorcar co seu vehículo
 

O condutor dun turismo morreu na mañá deste luns logo de sufrir, posiblemente, unha indisposición e saírse da vía co seu vehículo na localidade coruñesa de Muxía, informa Urxencias 112.

O accidente ocorreu pasadas as once horas na DP-2303, onde acudiu un equipo médico a bordo do helicóptero con base na cidade sen que puidesen facer nada por salvar a vida do condutor, que entrara en parada cardiorrespiratoria.

Ademais, o 112 alertou á Garda Civil de Tráfico, Policía Local e voluntarios de Protección Civil da localidade. 

PONTECESO. O condutor dun camión de obras resultou ferido é luns na localidade coruñesa de Ponteceso despois de que o vehículo no que circulaba envorcase, polo que tivo que ser excarcerado e evacuado en helicóptero ao Centro Hospitalario Universitario da Coruña, informa Urxencias.

O accidente ocorreu pouco logo das 10:00 horas na estrada que une Carballo e Ponteceso, ao seu paso pola parroquia de Tella.

A circulación pola zona foi temporalmente interrompida debido a que o camión sinistrado ocupaba os carriis da estrada e ademais perdeu combustible, polo que foi necesaria a intervención do persoal de limpeza e mantemento de vías.

Morre o condutor dun turismo ao saírse da estrada en Muxía