Axentes da Policía Local de Ourense procederon á detención dun home de 38 anos de idade, como presunto autor dunha agresión a unha muller.
Os feitos rexistráronse este martes minutos antes da dez da noite, na céntrica Praza de Paz Nóvoa, na cidade de Ourense cando os axentes recibiron un aviso dunha muller que estaba espida na rúa "pedindo auxilio" cun coitelo na man.
Como consecuencia destes feitos, ata o lugar desprazáronse dúas patrullas da Policía Local, que localizaron á muller, que relatou que fora agredida por unha persoa que era coñecida súa e coa que estaba no seu domicilio.
O home foi detido despois de que os axentes achasen no domicilio varios obxectos que estaban rotos e ao ver que a vítima presentaba "signos externos de violencia", polo que foi trasladada a un centro sanitario.
