Un surfeiro foi rescatado da auga na tarde deste martes na praia de Punta Penencia, no termo municipal de Ferrol, informou o 112 Galicia.
Segundo os datos facilitados polas mesmas fontes, tras recibir os primeiros auxilios dos socorristas no areal, o home foi trasladado polos servizos sanitarios a un centro médico.
Os feitos ocorreron sobre as 17,30 horas deste martes. Nese momento, o persoal de salvamento da praia contactou co 112 Galicia para solicitar asistencia médica.
Por iso, por parte do CIAE 112 Galicia pasouse o aviso a Urxencias Sanitarias de Galicia-061.
