lunes. 29.11.2021 |
El tiempo
lunes. 29.11.2021
El tiempo

O Tribunal Superior de Galicia avala o peche de Ourense decretado pola Xunta

Sede del Tribunal Superior de Xustiza de Galicia. ADP
Sede del Tribunal Superior de Xustiza de Galicia. ADP
"Resulta que as medidas solicitadas son idóneas para a prevención e protección da saúde da poboación á que van destinadas", afirma o órgano xudicial

A sección terceira da Sala do Contencioso-administrativo do Tribunal Superior de Xustiza de Galicia (TSXG) emitiu un auto este venres no que avala as medidas adoptadas pola Xunta na provincia de Ourense por mor da incidencia do coronavirus, que inclúen o peche perimetral da cidade das Burgas e o municipio de Barbadás. 

O TSXG ratifica así as medidas adoptadas o pasado 7 de outubro pola evolución da situación epidemiolóxica derivada da Covid-19 nas comarcas de Allariz-Maceda, O Carballiño, Ourense, O Ribeiro, Valdeorras e Verín, así como na provincia. Esta decisión prodúcese un día despois de que o Tribunal Superior de Xustiza de Madrid (TSJM) tombase a orde ministerial sobre o confinamento perimetral de Madrid. 

"Resulta que as medidas solicitadas son idóneas para a prevención e protección da saúde da poboación á que van destinadas; necesarias, dada a constatación dunha situación de perigo actual e real para a saúde dos cidadáns; e proporcionadas, ponderando os diferentes intereses en conflito", destaca o TSXG. 

A Sala entende que a solicitude está xustificada no informe da Consellería de Sanidade sobre a situación da pandemia nesas zonas e, ademais, destaca que o Ministerio Fiscal mostrouse favorable a ela. 

O TSXG subliña que, aínda que as medidas "implican a privación ou restrición da liberdade ou doutro dereito fundamental que indica a autoridade sanitaria que solicita a intervención do órgano xudicial", conclúe que teñen "amparo nas leis que fundamentan a solicitude". 

A Sala tamén ratificou as medidas adoptadas no punto primeiro da orde de 7 de outubro sobre as medidas de prevención tomadas pola Xunta como consecuencia da evolución da situación epidemiolóxica derivada do coronavirus na comarca de Santiago. 

O Tribunal Superior de Galicia avala o peche de Ourense decretado...
Comentarios