Os mapas do tempo anuncian poucos cambios para este venres, no que se manteñen a inestabilidade, os ceos anubrados e os chuvascos en calquera punto de Galicia. Ocasionalmente poden ser tormentosos.
En canto aos termómetros, as previsións de Meteogalicia apuntan a que non experimentarán cambios significativos, aínda que pode haber algún lixeiro descenso. Vigo terá a temperatura máis alta do mapa urbano da comunidade, con 18 graos. E Lugo a mínima máis baixa, de 10.
