O anticiclón deixa nubes e claros

Galicia continuará este luns baixo a influencia dun anticiclón que fará que os ceos alternen nubes e claros con temperaturas mínimas en ascenso, segundo a predición de Meteogalicia. 

Deste xeito, os ventos de compoñente norte traerán nubes ao litoral norte da comunidade, onde podería producirse algún chuvasco ocasional. As zonas de interior amencerán cubertas por bancos de néboa, que darán paso a ceos que alternarán nubes e claros. 

As temperaturas mínimas sufrirán un moderado ascenso e as máximas continuarán sen cambios. Os ventos soprarán frouxos de compoñente norte. 
 

Comentarios