O anticiclón localizarase durante esta xornada de martes ao norte da península Ibérica, atraendo aire cálido en superficie cara a Galicia.
Deste xeito, segundo o prognóstico, espérase un día de ceo en xeral pouco nubrado ou despexado. As temperaturas máximas estarán en ascenso, sendo a subida moi acusada nos valores máximos durante a tarde, polo que a sensación será de calor na metade sur.
Os ventos soprarán do nordés, frouxos no sur, pero moderados no norte, con intervalos fortes no litoral da Coruña.
Temperaturas extremas previstas nas cidades:
A Coruña 15° 27°, Ferrol 16° 27°, Lugo 13° 26°, Ourense 14° 34°, Pontevedra 18° 29°, Santiago de Compostela 15° 28°, Vigo 21° 29°.
