Galicia continuará este luns baixo a influencia anticiclónica, con circulación de vento nordeste e aire frío nas capas altas da atmosfera e un lixeiro descenso nas temperaturas máximas.
Deste xeito, segundo a predición de Meteogalicia, espérase unha xornada con ceos pouco nubrados en xeral, con máis nubes ao norte das provincias da Coruña e Lugo.
Pola tarde aumentarán as nubes de evolución no interior con posibilidade de chuvascos ocasionais na Mariña.
As temperaturas máximas sufrirán un lixeiro descenso, salvo nas Rías Baixas, onde ascenderán nalgunhas zonas.
Os ventos soprarán do nordeste, frouxos no interior, con intervalos moderados na metade norte e con intervalos fortes entre Bares e Fisterra.
ALERTA AMARELA. Meteogalicia mantén activos para este luns avisos amarelos por altas temperaturas na comarca ourensá de Valdeorras, así como nas zonas do río Miño das provincias de Ourense e Pontevedra.
Segundo información deste servizo dependente da Consellería de Medio Ambiente, as temperaturas máximas nestas áreas do territorio galego poderán superar os 34 e os 36 graos.
En concreto, na área do Miño en Pontevedra, os termómetros alcanzarán valores superiores a 34, mentres en Ourense e na comarca de Valdeorras chegarán a subir dos 36.
Por iso, o aviso amarelo estará activo entre as 15,00 e as 21,00 horas da tarde do luns.
Ferrol 18° 25°
Lugo 16° 26°
Ourense 16° 37°
Pontevedra 16° 33°
Santiago 15° 28°
Vigo 17° 30°
