As precipitacións continuarán este sábado en Galicia
As temperaturas descenderán entre lixeira e moderadamente
O sábado Galicia manterase na influencia dos ventos de compoñente oeste que traerán aire húmido. Así, comezaremos a xornada con nubes baixas con posibilidade de precipitacións ocasionais e os ceos quedarán parcialmente nubrados durante o día ata que pola noite queden cubertos, con chuvias na franxa atlántica.
As temperaturas descenderán entre lixeira e moderadamente. O vento soprará frouxo de compoñente oeste, aumentando pola noite a forte no litoral.
