Galicia quedará durante o martes baixo a influencia das altas presións. Con esta situación, agárdanse bancos de néboa matinais en zonas de interior, que darán paso a ceos con poucas nubes, algunhas de tipo alto pero que non impedirán o paso do sol.
As temperaturas mínimas sufrirán un lixeiro descenso, mentres que as máximas experimentarán un moderado ascenso. Os ventos soprarán de compoñente norte, moderados no litoral atlántico e frouxos no resto.
