Galicia terá este domingo unha xornada marcada pola inestabilidade, con alternancia de nubes e claros e chuvascos tormentosos, máis xeneralizados pola tarde, cando poderán estar puntualmente acompañados de saraiba e aparello eléctrico, segundo a predición de Meteogalicia.
As temperaturas experimentarán un ascenso na metade norte e descenderán lixeiramente no sur.
Os ventos soprarán frouxos, de dirección variable.
Temperaturas mínimas e máximas previstas para o domingo nas cidades:
A Coruña 18° 27°; Ferrol 18° 29°; Lugo 15° 29°; Ourense 18° 33°; Pontevedra 18° 29°; Santiago 17° 29°;
Vigo 20° 27°.