Dous menores resultaron feridos, un deles de gravidade, tras ser atropelados en Muxía (A Coruña), indicaron a Efe fontes de urxencias.

Os feridos son dous curmáns de Dumbría, un mozo duns 15 anos e unha nena duns 10.

O mozo foi trasladado en helicóptero ao hospital de Santiago en estado grave, mentres que a nena foi levada a un centro sanitario da zona.

Segundo relatou un portavoz de Protección Civil de Muxía a Efe, o suceso produciuse pouco antes das 16 horas no lugar de Sorna, nunha estrada provincial entre Cee e Muxía.

Segundo este portavoz e tamén fontes da Garda Civil, ambos os mozos ían en senllos monopatines e invadiron o carril contrario, momento no que un coche que circulaba correctamente arroiounos.

Ao lugar acudiu Garda Civil, persoal do 061 e de Protección Civil