Morre un ciclista atropelado por un coche no Camiño de Santiago
A vítima, de nacionalidade francesa, tiña 74 anos
Un ciclista de 74 anos, R.J.E.L., de nacionalidade francesa, faleceu esta tarde ao ser atropelado por un turismo cando estaba a realizar o Camiño de Santiago en Itero de la Vega, Palencia. O accidente tivo lugar sobre as 18.00 horas no quilómetro 11 da estrada provincial PP-4311, segundo informou a Subdelegación do Goberno.
O centro de urxencias Castela e León 112 recibiu unha chamada alertando de que un ciclista fora atropelado por un turismo, que estaba inconsciente e trataban de reanimalo. A sala de operacións do 112 avisou do incidente á Garda Civil de Tráfico de Palencia e a Urxencias Sanitarias do servizo de Sanidade de Castela e León, Sacyl, que enviou un helicóptero medicalizado, unha ambulancia de soporte vital básico e un equipo médico de Frómista.
No lugar do suceso, o persoal de Sacyl confirmou o falecemento do ciclista.
