Unha persoa resultou ferida de consideración logo de recibir un disparo de escopeta na súa vivenda particular, no concello coruñés do Pino.
Os feitos ocorreron sobre as 19:30 horas da noite pasada, no lugar da Tarroeira. Foi a esa hora cando a propia vítima pediu axuda ao 112 Galicia. Indicou que o acababan de agredir no interior da súa casa e necesitaba asistencia sanitaria. O suposto atracador irrompera na vivenda cunha escopeta, disparándolle á porta.
De inmediato, o 112 Galicia puxo os feitos en coñecemento do 061, Urxencias Sanitarias e da Garda Civil.
Debido á situación, persoal sanitario mobilizou ademais dunha ambulancia, o helicóptero medicalizado con base en Santiago, que enseguida se desprazou ao momento e tomou terra moi preto do lugar dos feitos.
Segundo informaron os axentes ao persoal do Ciae, a persoa foi evacuada na aeronave ao centro hospitalario de referencia, aínda que non parecía revestir gravidade. Indicaron ademais que todo apunta a que se tratou dunha tentativa de roubo.