Os Bombeiros de Ribeira sufocaron este martes un incendio que se iniciou na sancristía da Igrexa parroquial de Olveira, en Ribeira. Segundo informa o 112, non houbo que lamentar danos persoais.
Foi un particular o que deu o aviso ao redor das 9.00 horas. De inmediato, alertouse aos bombeiros, aos efectivos do Grupo de Emerxencias e á Policía Local. Os Bombeiros de Boiro tamén se desprazaron ata o lugar para colaborar na extinción das chamas.
Investíganse as causas que orixinaron o incendio, que arrasou figuras, alfombras, velas e outros obxectos que estaban gardados nunha sala anexa á sancristía que se utilizaba como almacén.
Un incendio na igrexa de Olveira mobiliza os bombeiros de Ribeira
As chamas iniciáronse na sancristía por causas que se descoñecen. Non houbo que lamentar danos persoais
