lunes. 25.10.2021 |
El tiempo
lunes. 25.10.2021
El tiempo

Afirman que el cuerpo de Khashoggi disuelto en ácido fue arrojado por el desagüe

Manifestación en protesta por el asesinato de Jamal Khashoggi en Estambul. ERDEM SAHIN (EFE)
Manifestación en protesta por el asesinato de Jamal Khashoggi en Estambul. ERDEM SAHIN (EFE)

Turquía compartió grabaciones del asesinato de Khashoggi con otros países

O diario turco Sabah afirma este sábado que os asasinos do xornalista Jamal Khasoggi disolveron o corpo en ácido e tirárono polo desaugadoiro do consulado Saudita en Istambul.

Ademais o presidente de Turquía, Recep Tayyip Erdogan, dixo este sábado que o seu país compartiu os "rexistros" das gravacións relacionadas co asasinato do xornalista saudita Jamal Khashoggi con EEUU, Francia e o Reino Unido, entre outros, que "escoitaron as conversacións" que conteñen.

"Demos os rexistros a Arabia Saudita, a Estados Unidos, a Alemaña, a Francia, ao Reino Unido, démosllos a todos. eles escoitaron as conversacións, eles saben. Non hai que darlle tantas voltas", dixo Erdogan.

O presidente recordou que as investigacións turcas demostran a chegada dun equipo de 15 axentes sauditas a Istambul, o mesmo día que foi asasinado Khashoggi no consulado do seu país, o 2 de outubro pasado.

"Non temos documentos, non hai achados. Pero hai información. Estas 15 persoas, con toda certeza, saben tanto quen é o asasino, como onde levou o corpo", dixo Erdogan durante unha rolda de prensa en Ankara, antes de partir a París para asistir á conmemoración do armisticio da Primeira Guerra Mundial.

Recordou que, segundo Riad, o cadáver entregouse a un "colaborador local" e insistiu en que se aclarase quen é, se realmente existe.

Erdogan dixo que Turquía conseguira que Riad enviase o seu fiscal xefe a Istambul para reunirse co seu colega turco, pero se queixou que o único resultado fose que invitase o fiscal turco a Arabia Saudita.

"¿Que tería que facer o noso fiscal alí? O lugar do crime está aquí. Hai que falar aquí. Ata o cónsul se foi. Non ten sentido ir alargando as cousas deste xeito", insistiu o mandatario turco.

"O asasino está entre eses 15. Non hai que buscar noutro sitio", concluíu Erdogan.
Khashoggi, colaborador do Washington Post, foi asasinado o 2 de outubro no consulado de Arabia Saudita en Istambul, ao que foi para realizar uns trámites necesarios para casar.

Afirman que el cuerpo de Khashoggi disuelto en ácido fue arrojado...
Comentarios