O youtuber Daniel José Santomé Lemus, coñecido como Dalas Review, declarou á súa chegada á Audiencia Provincial de Madrid, onde se enfronta a un xuízo por presunto acoso e abuso sexual a unha nena de 13 anos, que todo é "unha conspiración" contra el.
A Fiscalía pide para el cinco anos de prisión por un delito de ciberacoso sexual infantil e abuso sexual de menores de 16 anos, ademais de once anos de inhabilitación especial para empregos relacionados con menores e a prohibición de aproximarse á vítima durante nove anos.
Segundo a acusación, Dalas -que agora vive en Irlanda- e a menor comezaron a falar por Twitter en 2015, cando el tiña 22 anos e ela 13, e coñecéronse persoalmente en 2016.
O youtuber, que conta con 8,5 millóns de seguidores, negou que mandase mensaxes á menor pedíndolle fotos espida e que se atopasen no parque madrileño do Retiro, onde presuntamente a bicou e lle realizou tocamentos, e sinalou que a moza era "unha fan sen máis, como calquera outra".
"Son moi consciente do que fago e sei que se enviase fotografías dese tipo estarían por todo internet", engadiu.
Asegurou ademais que ten "moito apoio" dos seus seguidores e "incluso por xente que o odia".
Dalas Review, acusado de abusar dunha menor, asegura que é unha conspiración
A Fiscalía pide para el cinco anos de prisión por un delito de ciberacoso sexual infantil e abuso sexual de menores de 16 anos
