A empresa biofarmacéutica PharmaMar, de orixe galega,anunciou o inicio do ensaio clínico Aplicov-pc con Aplidin® (plitidepsina), para o tratamento de pacientes con Covid-19, que foi autorizado pola Axencia Española de Medicamentos e Produtos Sanitarios (Aemps ).
Trátase dun estudo multicentro, aleatorio, paralelo e de etiqueta aberta para avaliar o perfil de seguridade e eficacia de tres dose de plitidepsina en pacientes con Covid-19 que requiren ingreso hospitalario.
Participarán no estudo tres hospitais de Madrid (España). No estudo incluiranse tres cohortes de pacientes con tres niveis de doses diferentes para avaliar a eficacia e seguridade da plitidepsina a cada nivel de dose administrado en pacientes hospitalizados con Covid-19.
Durante esta primeira etapa, recrutaranse 27 pacientes, aos que se administrarán tres dose. A carga viral dos pacientes medirase antes e despois do tratamento, así como unha serie doutros parámetros para a evolución clínica. Se os resultados fosen positivos nesta etapa temperá, o ensaio continuaría na dose óptima logo da discusión co regulador, cunha cohorte máis grande de pacientes.
