O PSOE concretará un documento programático con Compromís para lograr que o deputado desta formación no Congreso, Joan Baldoví, vote afirmativamente a investidura de Pedro Sánchez como presidente do Goberno, en lugar da abstención do pasado mes de xullo.
Este foi a conclusión da reunión que mantiveron nun hotel de Valencia o presidente do Goberno, Pedro Sánchez, acompañado polo secretario de Organización do PSOE e ministro de Fomento en funcións, José Luís Ábalos, e o president da Generalitat Valenciana e secretario xeral do PSPV-PSOE, Ximo Puig, con Joan Baldoví e a vicepresidenta do Goberno valenciano, Mónica Oltra.
Os socialistas buscan un acordo con Joan Baldoví
Nese documento recollerase a reforma do financiamento autonómico, co compromiso de que nun prazo máximo de oito meses o Goberno presente unha proposta ás comunidades autónomas; a esixencia de que se alixeire a débeda da Comunidade Valenciana; e o aumento da achega do Estado ao sistema de dependencia, para que en catro anos cumpra o 50 % que lle corresponde, xa que actualmente a Generalitat Valenciana achega o 88 %.