O Festival Revenidas de Vilaxoán, en Vilagarcia de Arousa, xa ten data para celebrar a súa próxima edición, que neste 2018, conmemorará os 15 anos do seu nacemento.
A cita festivalera será do 17 ao 19 de agosto combinará actividades gratuítas para o público familiar con concertos de pago.
Na pasada edición, as 50 horas de música e actividades programadas pola organización nesta vila de 2.000 habitantes reflectíronse nun impacto económico de 1,4 millóns de euros, ademais dos 700 postos de traballo que xerou o festival.
O Revenidas fará públicos os nomes das primeiras bandas que conformarán o seu cartel para 2018 e que celebrarán os 15 anos do Festival das Linguas.
