Un incendio forestal, cuxo alcance en superficie se descoñece polo momento, declarouse este venres en Quiroga arredor das 17.15 horas. O lume afecta concretamente á parroquia de Vilar de Lor.
Na súa extinción traballan dous helicópteros, un avión, oito brigadas, catro motobombas e dous axentes. Galicia atópase este venres en alto risco de incendio polas condicións climatolóxicas.
17:47 @BrifLaza activada para actuar en incendio forestal de Quiroga #Lugo para sumarse a labores de extinción junto a medios @Xunta #IIFF
— ATBRIF (@AT_Brif) July 10, 2020
Somos #BRIF de @mitecogob https://t.co/LZZ0TICML3
LUME EN SANTIAGO. Por outra banda, en Santiago de Compostela declarouse outro incendio unha zona próxima ao Hospital Clínico, na parroquia de San Paio.
[O lume de Santiago. IRACI P.]
Segundo informa a Consellería de Medio Rural a Europa Press, o lume iniciouse sobre as 16,40 horas e "non hai perigo" para casas, aínda que existen vivendas próximas.
Nas tarefas de extinción traballan un avión, catro helicópteros, sete brigadas, catro motobombas e un axente.