Un lóstrego mantivo bloqueado o Alvia que cubría a ruta Ourense-Barcelona á altura de Quiroga durante máis dunha hora. Os máis de 200 pasaxeiros puideron continuar a viaxe tras evacuar o convoi ante a aparición de fume pic.twitter.com/zoJ5uv9XgH
— G24 (@G24Noticias) August 25, 2019
A caída dun raio obrigou a deter e desaloxar durante "máis dunha hora" un tren Alvia que realizaba o percorrido de A Coruña a Barcelona. Sucedía ao paso do convoi por Quiroga e a incidencia provocou un atraso de 62 minutos.
Segundo informaron fontes de Renfe, o tren saíu ás 8:05 desta mañá da localidade coruñesa en dirección a Barcelona cando se viu sorprendido sobre as 10:15 horas por un raio, ao seu paso pola zona de San Clodio, preto de Quiroga. A consecuencia do mesmo produciuse un pequeno incendio.
Ningunha das 204 persoas que viaxan a bordo resultaron feridas.
