miércoles. 22.09.2021 |
El tiempo
miércoles. 22.09.2021
El tiempo

Detido un veciño de Ourense con antecedentes por roubar nun bar do centro da cidade

Un hombre con unas esposas. EP
Un hombre con unas esposas. EP
O home xa conta con 45 arrestos

Axentes da Policía Nacional de Ourense detiveron a un home veciño da capital ouresá con antecedentes como presunto autor dun delito de roubo con forza nun local da zona centro da cidade.

Segundo informou a Policía Nacional, os feitos que motivaron a detención comezaron na noite do 12 de xullo sobre as 6,50 horas cando se recibiu unha chamada na Sala 091 na que unha persoa comunicou que un home entrara a roubar no seu bar.

Axentes do Grupo de Seguridade Cidadá acudiron ao lugar e unha vez alí o propietario do establecemento manifestoulles que momentos antes recibiu unha chamada da central de alarmas para comunicarlle que había un individuo no seu establecemento.

Ao entrar no seu local e atoparse un home cunha pata de cabra, este fuxiu a pé do lugar ao velo. As dotacións policiais en servizo, relataron as mesmas fontes, realizaron unha procura do home, que non foi localizado.

Por iso, axentes do Grupo de UDEV da Comisaría Provincial de Ourense investigaron os feitos e identificaron ao presunto autor, que foi localizado e detido na tarde do domingo 4 de agosto. O detido foi identificado como un home de 45 anos de idade natural de Ourense, ao que lle constan 45 arrestos anteriores, sinalou a Policía Nacional.

Detido un veciño de Ourense con antecedentes por roubar nun bar do...
Comentarios