miércoles. 08.12.2021 |
El tiempo
miércoles. 08.12.2021
El tiempo

Galicia detecta 216 novos positivos por coronavirus

Operarios del Ayuntamiento de Orense llevan a cabo labores de desinfección en las calles de la ciudad. BRAIS LORENZO (EFE)
Operarios del Ayuntamiento de Orense llevan a cabo labores de desinfección en las calles de la ciudad. BRAIS LORENZO (EFE)
A área de Ourense sitúase á cabeza en número de contaxiados

Galicia rexistrou nas últimas 24 horas un total de 216 novos positivos de coronavirus, dez máis que un día antes, e dous falecementos que se coñeceron na tarde do venres e que elevaron o cómputo das vítimas mortais na Comunidade a 751. 

Segundo os datos actualizados este sábado pola Consellería de Sanidade, os casos activos –persoas que aínda padecen a enfermidade– baixaron en 111, ata situarse nos 4.092. Pola súa banda, as altas subiron en 325 e xa son 19.714 as persoas curadas da covid-19 en Galicia. 

Ademais, dúas persoas diagnosticadas con coronavirus perdían a vida este venres. En concreto, tratábase dun home de 75 anos que permanecía ingresado no Complexo Hospitalario Universitario de Ourense e unha muller de 82 no Complexo Hospitalario de Pontevedra. 

Por áreas sanitarias, a de Ourense é a que máis casos activos conta desde este sábado –ata agora, era a da Coruña– cun total de 891, 40 máis que o venres. Tamén soben as persoas coa enfermidade en Santiago, ata 547 (+8). 

Pola contra, os casos activos baixan na Coruña, a 848 (-56); en Pontevedra, ata os 722 (-43); en Lugo, a 503 (-23); en Vigo, a 460 (-31); e en Ferrol, a 121 (-7). 

Así mesmo, ata a data, a comunidade galega realizou 499.201 PCR fronte ás 492.648 que contabilizaba este venres, o que implica que en 24 horas se fixeron 6.553 probas. 
 

Galicia detecta 216 novos positivos por coronavirus
Comentarios