Gabriel Rufián e Antón Gómez-Reino protagonizaron este mércores unha liorta no Congreso, onde e portavoz de ERC no Congreso chegou a chamar "pallaso" ao deputado de En Marea e flamante líder de Podemos en Galicia. 

A disputa desencadeouse despois de que lle fose vetado o acceso a Ana Miranda á comisión que investiga o accidente do Alvia. A eurodeputada do BNG foi a que levou o caso a Bruxelas e quería asistir como público, convidada por Rufían, á xornada na que comparecía Chistopher Carr, xefe da unidade de seguridade da Axencia Ferroviaria Europea (Era, polas súas siglas en inglés).

Esto es lo q ha pasado cuando hemos intentado entrar en la Comisión del Accidente del Alvia con la denunciante del caso del Accidente del Alvia, @anamirandapaz

Esos dos señores q callan delante son de En Marea. Gallegos. Uno de ellos @AntonGomezReino me acabará llamando payaso. pic.twitter.com/El2vitNT5z

— Gabriel Rufián (@gabrielrufian) 14 de novembro de 2018

Rufián xa responsabilizara do veto a PP e PSOE, concretamente aos deputados Celso Delgado e Odón Elorza. Ao chegar á comisión xunto con Ana Miranda, e ver como lle impedían o paso á eurodeputada do Bloque, Rufián pediu explicacións e o presidente da comisión, Felix Guillaume, do PdeCat, respondeu: "Un acordo da mesa".

PP y PSOE han vetado a la eurodiputada del BNG y denunciante del caso @anamirandapaz para que asista como público este miércoles a la Comisión del Alvia.
Exigimos que @CelsoDelgadoOU y @odonelorza2011 expliquen el por qué y les adelanto que entrará conmigo. A ver cómo lo impiden.

— Gabriel Rufián (@gabrielrufian) 10 de novembro de 2018

Entón apareceu Gómez-Reino, ao que Rufián lle preguntou: "Tedes algo que dicir os de Podemos ante este atropelo". O recentemente elixido portavoz da formación morada en Galicia explicou que votaran a favor da presenza de Ana Miranda e, ante a insistencia de Rufián, espetoulle un sonoro "pallaso".