Unha persoa faleceu este venres de madrugada tras ser atropelada por un turismo na AP-9, ao seu paso polo termo municipal de Pontevedra.
Aínda que nun primeiro momento se informou de que a vítima pedía axuda tras sufrir unha avaría no seu vehículo cando se produciu o fatal atropelo, a Garda Civil confirmou máis tarde que o home, de nacionalidade portuguesa, se desorientara e baixou da furgoneta para pedir axuda. Fíxoo sen chaleco reflector e cruzou a vía, momento no que foi arroiado, segundo explica o instituto armado.
O accidente ocorreu sobre as 01.00 horas, á altura do quilómetro 128, en dirección Santiago e preto da peaxe de Alba.
O ocupante do outro vehículo, que deu negativo nas probas de alcoholemia, tamén resultou ferido e foi trasladado ao Hospital Domínguez. Ata o lugar desprazáronse servizos sanitarios de urxencia, axentes dá Tráfico e da Policía Local, efectivos dos Bombeiros de Pontevedra e de Protección Civil e tamén de conservación de Autoestradas.
A vítima viaxaba acompañada da súa esposa.