As previsións meteorolóxicas apuntan a que Galicia terá este mércores ceos pouco nubrados ou despexados, con nubes de tipo alto que non impedirán o paso do sol. Así as cousas, as temperaturas mínimas non experimentarán cambios significativos, mentres que as máximas ascenderán lixeiramente no norte. O repunte notarase máis no sur.
É por iso que, atendendo ás proxeccións de Meteogalicia, o cambio apenas se apreciará en Lugo, onde os termómetros se moverán entre os 11 e os 23 graos, mentres que Pontevedra alcanzará os 30 e Ourense e Vigo tocarán os 29.
O vento soprará de compoñente sur, frouxo pola mañá e cunha intensidade en aumento pola tarde.