Colectivos feministas locais que integran a Marcha Mundial dás Mulleres convocaron concentracións en diferentes localidades galegas en repulsa polo crime machista deste mércores na Coruña, onde un home de 54 anos matou dunha coitelada á súa muller, de 57, que, ao parecer, tiña unha enfermidade terminal.
As protestas, convocadas baixo o lema "Degolar non é asistir, é asasinar", terán lugar este venres ás 20.00 na Coruña, Santiago, Ferrol, Betanzos, As Pontes, Ourense, Lugo, Pontevedra, Vigo e Viveiro. Ás 20.30 celebrarase en Ribadeo e as 21.30 horas, en Ponteareas.
