A inestabilidade atmosférica pola mestura dunha masa de aire cálido en superficie e outra fría en altura continuará durante esta xornada de venres en Galicia.

Con esta situación, espéranse ceos con alternancia de nubes e claros pola mañá, máis cubertos durante a tarde cando os chuvascos serán máis xeneralizados e localmente tormentosos.

As temperaturas mínimas non terán cambios, mentres que as máximas sufrirán un moderado descenso. Os ventos soprarán frouxos, de dirección variable.