Mantense aínda a inestabilidade en Galicia, con aire frío nas capas altas da atmosfera que nos deixará unha xornada de chuvascos máis frecuentes durante a mañá.
As temperaturas mínimas quedarán sen cambios significativos, mentres que as máximas experimentarán un lixeiro ascenso.
O vento soprará frouxo de compoñente oeste, aínda con intervalos fortes a primeiras horas no litoral norte.
