O venres o anticiclón desprazarase cara ao leste situándose sobre o continente europeo, o que permitirá unha progresiva entrada de aire frío nas capas altas e un descenso na intensidade do vento.
Con esta situación, continuarán os ceos pouco nubrados ou despexados en xeral e coa formación de nubes de evolución nas zonas elevadas do interior durante a tarde que poderían deixar algún chuvasco ocasional.
As temperaturas quedarán sen cambios significativos.
Os ventos soprarán de compoñente Este frouxos, con réxime de brisas nas Rías Baixas, e con intervalos moderados no litoral norte.
