As choivas serán hoxe máis persistentes e seguirán na metade oeste

O mércores Galicia continuará na influencia das baixas presións, polo que non se esperan cambios na situación meteorolóxica.

Os ceos permanecerán cubertos, con choivas máis persistentes na metade oeste. 
As temperaturas mínimas experimentarán un lixeiro ascenso mentres que as máximas quedarán sen cambios, polo que será un día de moi pouca oscilación térmica.

O vento soprará do suroeste, con intervalos fortes no terzo norte.