A actriz de Los juegos del hambre decidiu distanciarse do mundo do cinema durante un ano para dedicarse ao activismo político. Así, explicouno a mesma Jennifer Lawrence.
"Vou tomarme un ano sabático. Traballarei coa organización Represent Us para tratar de axudar aos mozos a involucrarse politicamente a nivel local", dixo. A intérprete busca desta forma loitar contra a corrupción e "reparar" a democracia.
Non é a primeira vez que Lawrence demostra o seu compromiso social como foi a súa participación na Marcha das mulleres ou as súas múltiples declaracións en contra da política migratoria ou o acceso ao sistema sanitario por parte das familias con dificultades económicas.
