Adianto do Táboa Redonda deste domingo: 'Detrás da verdade'

María Valcárcel escribe sobre a xornalista Oriana Fallaci, que sempre facía a pregunta máis directa. Ramón Rozas anima a ver as montaxes que ofrece en You Tube a compañía Voadora, tan innovadora e tan debedora de Shakespeare. Nicolás Carreira comenta a loita entre dous modelos de ser muller que se viviu nos Estados Unidos dos anos 70 e que reflicte a serie Miss America. Javier Nogueira celebra a edición das obras completas de Vicente Aleixandre, un poeta que sitúa no cumio da literatura española acaroado con Lorca ou Cernuda pola súa poesía divina e cósmica. Portorosa reflexiona sobre o difícil equilibrio entre estar con nós e estar cos outros. Jaureguizar visita os dous cafés Derby que houho en Galicia.