Galicia vive este domingo unha xornada de ceos cambiantes, que iniciarán o día parcialmente cubertos. De feito, as previsións de Meteogalicia non descartan algunha precipitación no litoral norte da comunidade e néboas no interior. A partir de aí, a tarde anúnciase con poucas nubes.
En canto aos termómetros, rexistrarase un lixeiro descenso. As mínimas moveranse entre os 15 graos de Lugo e Santiago e os 18 da Coruña. As máximas estarán entre os 21 graos da capital herculina e os 31 de Ourense.
