Este sábado, espéranse poucos cambios na situación meteorolóxica, con influencia anticiclónica en superficie pero aire frío en altura que causará inestabilidade. Polo tanto, a xornada empezará con ceos pouco nubrados con néboas en puntos do interior e brumas costeiras no litoral atlántico. A partir do mediodía, crecerán nubes de evolución que provocarán chuvascos tormentosos durante a segunda metade do día.
Segundo a información de Meteogalicia, dependente da Consellería de Medio Ambiente, o vento soprará frouxo e será de dirección variable, excepto no litoral norte, onde o vento soprará do nordeste.
Pola súa banda, as temperaturas experimentarán un lixeiro ascenso. Deste xeito, os valores máximos subirán ata os 33 graos en Ourense e 28 en Santiago de Compostela. As temperaturas mínimas ascenderán ata os 17 graos en Vigo e Ourense.