A estación espacial chinesa Tiangong 1 caerá á Terra entre o 30 de marzo e o 6 de abril, nunha zona que corresponde en latitude, por exemplo, con España, Francia, Portugal e Grecia. 

Segundo a predición actualizada este 15 de marzo pola oficina de refugallos espaciais da ESA en Darmstadt (Alemaña), as áreas de reentrada da nave fóra das latitudes comprendidas entre 43 graos norte e 43 graos sur pódense excluír. 

En ningún momento será posible unha predición precisa de tempo e localización por parte da ESA.  

A mediados de xaneiro, a Axencia Espacial China (CNSA) asegurou que mantiña o control da estación espacial e que a súa caída á Terra sería controlada e sen ameazar ao medio ambiente nin á poboación. Queimarase ao entrar na atmosfera e os fragmentos restantes caerán nunha área designada do mar, "sen pór en perigo a superficie", dixo un enxeñeiro da CNSA. 

Con todo, The Aerospace Corporation prognosticou que a desintegración de Tiangong 1 ao contacto coa atmosfera probablemente deixaría fragmentos que alcanzarían a superficie terrestre, posiblemente sobre o Mediterráneo. 

Tiangong 1, primeira estación espacial chinesa, foi lanzada en 2011 e xa culminou o seu ciclo de servizo. Ten un peso de 8,5 toneladas.