A coruñesa Irene Martínez logrou a medalla de bronce nos campionatos de Europa de halterofilia que se disputan en Bucarest, en arrancada na categoría de ata 63 quilos.
A galega logrou levantar 94 quilos e só foi superada pola romanesa Loredana Toma, que puido con 105 quilos, e Irina Lepsa, que elevou 97.
O conseguido por Irene Martínez é o sexto metal que o equipo español obtén nestes campionatos de Europa tras os tres de Josué Brachi, que logrou o ouro en arrancada e total olímpico e prata en dous tempos, en ata 56 quilos, e David Sánchez, que foi terceiro en arrancada e total olímpico na categoría de ata 69 quilos.