Unha moza de 18 anos da Coruña tívose que someter a unha intervención cirúrxica e está pendente dunha segunda despois de ser agredida por uns menores de idade. Os mozos leáronse a golpes con ela despois de que se negase a darlles o seu número de teléfono.
O resultado foi unha rotura do tabique nasal e o afundimento dun ollo. Os menores foron detidos despois de que o pai da moza, un militar retirado, vixiase durante algúns días o lugar onde se produciron os feitos e gravase aos menores, que volveron ao lugar onde se produciu o acontecemento.
A moza saíu da súa casa cunha amiga para comprar tabaco. Segundo conta a vítima, os menores achegáronse para pedirlles o número de teléfono. Tras negarse a darllo, asegura que só recorda un golpe que recibiu na cara e que lle provocou que caese ao chan. Foi o propio pai quen atopou á súa filla ensanguentada e trasladouna ao hospital mentres os mozos fuxían.
Os agresores recoñeceron os feitos. Agora ela recupérase na súa casa pendente de se terá que volver operarse xa que o afundimento dun ollo pode provocarlle visión dobre.
