domingo. 24.10.2021 |
El tiempo
domingo. 24.10.2021
El tiempo

Dous senderistas achan en Barbadás un cadáver que podería ser o de Nerea Añel

Imagen de la desaparecida Nerea Añel. SOS DESAPARECIDOS
Imaxe da desaparecida Nerea Añel. SOS DESAPARECIDOS
O corpo foi achado nunha zona que xa fora peiteada polas forzas da orde na procura da moza, desaparecida desde o día de Reis

O cadáver dunha muller nova foi achado este domingo, pasadas as 17.00 horas, por dúas persoas que practicaban sendeirismo co seu can nos Muíños, un pobo abandonado do municipio ourensán de Barbadás con casas que permanecen en ruínas e que algúns coñecen coloquialmente como aldea pantasma.

A pesar de que a súa identidade está aínda por confirmar, algunhas fontes oficiais resaltaban nos medios que "todo apunta a que se trata dos restos mortais de Nerea Añel", unha ourensá de 27 anos, con adiccións, que había desaparecido no principio do ano. De feito, nada se sabía dela desde o día de Reis.

E é que a zona do achado atópase moi preto do Motel Cancún, onde as forzas da orde xa buscaran no seu momento a Nerea Añel, segundo sinalaba este domingo La Región.

A súa nai, Belén Vázquez, recorreu recentemente aos medios de comunicación para pedir que non se esquecese o seu caso, tras non ter noticias da súa filla desde Reis. En todo momento sostivo a teoría de de que "algo malo sucedéralle" con Nerea.

Ata o lugar dos feitos desprazáronse efectivos da Garda Civil, a Policía Local e Protección Civil.

Dous senderistas achan en Barbadás un cadáver que podería ser o de...