A firma Estrella Galicia lanza unha edición Pulpo á feira, que comezará a comercializarse na súa tenda online o 6 de outubro, informa a compañía.
Os mestres cervexeiros da marca galega, explica nun comunicado, empregaron nesta ocasión malta de cebada e malta de trigo, ademais da variedade de lúpulo checa Sladek e fermento de tipo Ale.
Ademais, durante a elaboración do mosto cervexeiro incorporáronse patacas en representación dos cachelos e varios quilos de polbo galego certificado, mentres que no período de maduración da cervexa engádese pemento doce e picante, ademais de auga da cocción do polbo.
