Falece unha muller nunha piscina dunha urbanización de Barreiros
A vítima é unha veciña de Madrid, de 59 anos
Unha muller de 59 anos de idade, veciña de Madrid e con iniciais M.D.C.I.A, faleceu este luns na piscina da urbanización Xardín Lugo, na localidade barreirense de Benquerencia.
O corpo da muller foi atopado flotando na auga e, a pesar dos intentos de reanimación durante máis dunha hora, terminou falecendo, pouco antes das nove da noite.
O aviso deuse sobre as sete e vinte e ao lugar de desprazou unha ambulancia asistencial e a medicalizada; tamén un médico da PAC de Ribadeo, que non chegou a intervir, ademais dos bombeiros, Protección Civil e Garda Civil.
