Galicia experimentou un novo alivio da presión hospitalaria ao reducirse a 271 os pacientes covid ingresados, o que implica 22 menos que a xornada anterior, e unha caída dos casos activos até os 2.586 ás portas da ponte de San Xosé, no que a Comunidade galega seguirá con peche perimetral.
Segundo os datos actualizados este xoves pola Consellería de Sanidade con rexistros até as 18,00 horas deste mércores, 57 pacientes covid permanecen en UCI –un menos– e 214 noutras unidades de hospitalización –21 menos–.
Os pacientes ingresados pola covid-19 redúcense en todas as áreas sanitarias galegas, cunha maior caída na da Coruña e Cee onde, aínda que aumentan a 20 o críticos –un máis–, caen a 83 os que permanecen noutras unidades –sete menos–.
Pola súa banda, na de Ourese seguen dúas en UCI e descenden a 17 os que se atopan noutras unidades de hospitalización –catro menos–; mentres que na de Santiago e Barbanza baixan a seis o críticos –un menos– e a 21 os doutras unidades –dous menos–.
Tamén na de Ferrol redúcense a sete os pacientes Covid en críticos --un menos-- e descenden a 20 os que están noutras unidades de hospitalización –dous menos–; mentres que na de Lugo mantéñense en cinco os ingresados en UCI e caen a 15 os doutras unidades --tres menos--.
Pola súa banda, na área de Pontevedra e O Salnés seguen sete pacientes Covid en UCI e redúcense a 11 os que se atopan noutras unidades –dous menos–; mentres que na de Vigo mantéñense en 10 os críticos e baixan a 47 os doutras unidades –un menos–.
MENOS CASOS ACTIVOS E CONTAXIOS
Os casos activos de covid-19 volveron a descender en Galicia lixeiramente até os 2.586, o que supón 72 menos que a xornada anterior. En xeral redúcense en seis do sete áreas sanitarias, salvo na de Vigo, onde aumentan a 484, ao sumar unha ducia.
Deste xeito, a da Coruña e Cee segue á cabeza con 1.028 --tras un descenso de 36--; seguida da de Vigo, con 484 --con 12 máis--; Santiago e Barbanza, con 279 --nove menos--; Ferrol, con 223 –nove menos–; Pontevedra e O Salnés, con 212 –dez menos–; Lugo, con 205 –cinco menos–; e a de Ourense mantense á cola con 155 –con 15 menos–.
En canto aos contaxios diarios detectados con calquera tipo de proba baixaron lixeiramente a 146, após os 148 detectados a xornada anterior. Deste xeito freouse a tendencia ascendente detectada desde o inicio da semana, cos 112 do luns e 122 deste martes.
Dos novos contaxios, 122 foron positivos confirmados por PCR nas últimas 24 horas, dos cales 46 corresponden á área da Coruña e Cee; 41 á de Vigo; nove á de Pontevedra e O Salnés; oito á de Ferrol; outro oito á de Lugo; seis á de Santiago e Barbanza; e catro á de Ourense.
Por tanto, os contaxiados desde o inicio da pandemia en Galicia ascenden a 115.283, dos cales 27.898 corresponden á área da Coruña e Cee; 21.700, á de Vigo; 18.297, á de Santiago e Barbanza; 14.736, á de Ourense; 12.584 á de Pontevedra e O Salnés; 11.905, á de Lugo; e 8.163, á de Ferrol.
TAXA DE POSITIVIDADE ESTABLE
Galicia levou a cabo 1.781.976 PCR, o que implica 6.370 probas máis que as rexistradas até a xornada anterior –unha cifra similar á xornada pasada–.
En canto á taxa de positividade –porcentaxe de infeccións por test PCR realizados– mantense nun dous por cento como desde o inicio da semana. Deste xeito, Galicia continúa por baixo do 5% que a Organización Mundial da Saúde (OMS) sinala para dar por controlada a pandemia.
CURADOS E FALECIDOS
Até a data curáronse da covid-19 na Comunidade galega 110.407 pacientes, o que implica 214 persoas máis que as contabilizadas até este mércores.
Pola súa banda, desde o inicio da pandemia faleceron en Galicia 2.310 persoas diagnosticadas con este coronavirus, tras as últimas catro vítimas notificadas este mércores polas autoridades sanitarias.
En concreto, Sanidade informou o falecemento o martes dun home de 90 anos, dunha muller de 95 anos e un home de 71; mentres que o mércores morreu un home de 81 anos. Todos eles presentaban patoloxías previas.
