sábado. 25.09.2021 |
El tiempo
sábado. 25.09.2021
El tiempo

A Lama é o municipio no que se fala o galego máis parecido ao normativo 

Porcentaxe de semellanza entre o galego falado e o galego normativo. XULIO SOUSA
Porcentaxe de semellanza entre o galego falado e o galego normativo. XULIO SOUSA
Un estudo do Instituto da Lingua Galega da USC racha co mito de que a variedade estándar do galego é inventada 

Un estudo considera que A Lama é o municipio na que se fala un galego máis parecido ao estándar. O traballo foi elaborado por Xulio Sousa, membro do Instituto da Lingua Galega da USC, co obxectivo de demostrar que a versión normativa contén as formas empregadas polas diferentes variedades do idioma nos anos 70. 

En concreto, o galego oral do citado municipio presenta unha similitude dun 82,09 por cento respecto da variedade máis normativa, mentres que no polo oposto estaría a localidade leonesa de Pombriego, cun 34,29 por cento. 

Sin título-1

Os resultados do traballo de Sousa mostran que os puntos nos que se fala un galego máis similar ao estándar atópanse en zonas onde conflúen os bloques lingüísticos central e occidental, aínda que tamén destaca algúns municipios da provincia de Lugo que rexistran un alto grao de parecido. 

O investigador considera que o estudo "rompe coa crenza popular" de que a variedade normativa está "afastada da realidade" dos falantes, tras rexistrar unha parecida media do 74,75 por cento. 

O estudo realizouse a través de análise das variedades do idioma en 167 localidades galegas, de Asturias, León e Zamora, combinando para iso diversas técnicas estatísticas, computacionais e xeográficas e utilizando datos do Atlas Lingüístico Galego. 

Deste xeito, concluíu que o galego normativo é unha variedade de tipo composicional con elementos das distintas vertentes do idioma e concibido como símbolo de identificación, comunicación e vehículo de expresión común na escrita. 

A Lama é o municipio no que se fala o galego máis parecido ao...
Comentarios