Sete falecidos nos hospitais galegos nas últimas horas elevaron o cómputo de vítimas da Covid-19 a polo menos 671 desde a irrupción da pandemia, nunha xornada que rexistrou o maior número de mortes comunicadas desde o mes de maio.
Sanidade notificou na tarde deste mércores a morte de tres homes de 73, 87 e 81 anos de idade que estaban ingresados no Hula, o Chuac e o Chuo, respectivamente.
Todos eles presentaban patoloxías previas e o falecido en Lugo estaba relacionado co brote rexistrado na residencia do Incio.
Previamente, pola mañá, comunicouse o falecemento doutras dúas persoas en hospitais galegos e dúas producida en residencias. As mortes en atención hospitalaria foron dous homes de 81 e 71 anos, ambos con patoloxías previas, que se atopaban ingresados no Complexo Hospitalario Universitario de Santiago e no Hospital Lucus Augusti de Lugo.
Por outra banda, informouse de dous novos falecementos ocorridos en residencias, unha muller de 89 anos na DomusVi Lugo, en Outeiro de Rei, e unha muller de 96 do Incio.
O balance deste mércores, con sete falecidos, sitúase como a xornada con maior número de mortes comunicadas pola Consellería de Sanidade nos últimos meses, desde que o pasado 5 de maio informouse dun nove casos.
