jueves. 21.10.2021 |
El tiempo
jueves. 21.10.2021
El tiempo

¿Por que non hai troitas e salmóns no río Eo?

Primeiras prospeccións de fauna no Eo, cerca do Pozo da Onda. CDP
Primeiras prospeccións de fauna no Eo, cerca do Pozo da Onda. CDP
Iniciado na Pontenova un estudio sobre o declive da fauna no río, encargado polo Concello á USC e dirixido polo biólogo Fernando Cobo

A Universidade de Santiago comezou este mércores un estudo sobre a falta de salmónidos no río Eo. Está dirixido polo biólogo Fernando Cobo e encargouno o goberno municipal da Pontenova, en cuxo tramo urbano comezaron as primeiras mostraxes. O alcalde da localidade, Darío Campos Conde sinalou que se trata dun "proxecto que se financia a través do plan único dá Deputación cun investimento de 10.000 euros, e do que se obterán resultados a finais deste mesmo mes co fin de coñecer as respostas a este declive".

Campos remarcou que esta iniciativa "é un clara aposta do goberno municipal da Pontenova en prol de preservar a nosa fauna e noso medio ambiente, e para coñecer así de xeito pormenorizado e científico o que pasa exactamente co río Éo para que ano tras ano as cifras de troitas e salmóns, diminúan, o que conlevaría a extinción destas especies, algo que sería letal para a nosa comarca".

O declive da poboación de troitas e salmóns, con flutuacións importantes na súa pesca duns anos a outros, é un tema recorrente en toda a conca do Eo e os seus afluentes. "O río Éo temos que preservalo, mimalo e coidalo", indicou Darío Campos. Os pescadores sinalaron múltiples causas, desde a contaminación, a falta de limpeza de vexetación que asombra as ribeiras (que moitos biólogos rexeitan), a acumulación de obstáculos na canle, o cambio climático, a chegada doutras especies competidoras río arriba como a boga, etc.

O rexedor afirmou que "o río Eo é vital no futuro da nosa vila, e entre todos temos que mantelo e conservalo, aínda que non sexa unha competencia local. Hai que lembrar que o noso Concello sempre foi un punto de encontro e un referente para os pescadores de toda España. Por iso temos que seguir impulsando propostas e iniciativas que contribúan a mellorar a nosa comarca e noso medio ambiente".

¿Por que non hai troitas e salmóns no río Eo?
Comentarios