Institucións Penais trasladou ao reo José Ramón Prado Bugallo desde o cárcere de Zuera, en Aragón, ao madrileño de Estremera. A noticia non causaría máis balbordo se non fose porque ese nome e apelidos son os de Sito Miñanco, o coñecido capo cambadés da droga, que permanece en prisión preventiva despois de que fose detido por orde da Audiencia Nacional en febreiro de 2018 por supostamente volver a traficar con cocaína tras —tamén presuntamente— anos alleo ao negocio.

O narco pedira recentemente ser excarcerado porque considera que, con 65 anos, está no grupo de risco ante o covid.