A situación meteorolóxica do último día de agosto quedará marcada en Galicia por unha situación indefinida en superficie e a entrada de aire frío en capas medias e altas da atmosfera. 

Isto, segundo prognostica Meteogalicia, deixará os ceos con intervalos de nubes medias e altas e chuvascos tormentosos a partir do mediodía, estendéndose tamén na madrugada do mércores. Repetiranse as néboas no litoral atlántico. 

As temperaturas non terán cambios significativos. Os ventos soprarán do nordés no extremo norte e frouxos variables no resto, con réxime de brisas no litoral atlántico pola tarde.