O martes continuará a influencia anticiclónica sobre Galicia, con réxime de ventos do nordés.
Así, espéranse ceos pouco nubrados ou despexados en xeral, con nubes de estancamento que se irán formando no terzo norte co avance da xornada.
Haberá, igualmente, néboas matinais en vales do interior. As temperaturas non experimentarán cambios significativos, con formación de xeadas en comarcas do interior.
O vento soprará frouxo do nordés, máis intenso no litoral entre Bares e Fisterra.
Temperaturas extremas previstas nas cidades:
A Coruña 3° 14°, Ferrol 6° 14°, Lugo 0° 11°, Ourense -2° 11°, Pontevedra 1° 18°, Santiago de Compostela 3° 15° e Vigo 4° 17°.
